Тајванската компанија HTC оваа година го претстави смартфонот HTC One кој е еден од најдобрите во својата класа, како и малата верзија на HTC One mini за нова група на корисници.
Но HTC се уште не заврши со претставувањето на своите херојски телефони за 2013 година.
Претходните извештаи потврдија дека фаблет верзијата т.н. HTC One Max ќе дебитира во втората половина од годината, а сега веќе за прв пат се појавија и првите слики од необјавениот уред.
Корисникот на ePrice, Jason, објави две слики од HTC One Max, чиј што дизајн многу наликува на оригиналниот HTC One, но со поголем екран од 5.9 инчи. Исто така, фаблетот доаѓа со Snapdragon 800 процесор со брзина од 2.3GHz, и масивна батерија од 3200mAh. Според корисникот на ePrice тајванската компанија ќе го објави својот претставник HTC One Max на IFA настанот во Берлин следниот месец.
Текстот е објавен во соработка со telefoni.com.mk
