Модните трендови доаѓаат и поминуваат, но постојат некои клучни парчиња облека кои морате да ги поседувате секогаш, и истите заслужено треба да се најдат во плакарот на секоја жена. Еве некои од нив:
Сако за секоја пригода
Ова парче облека може да послужи и за бизнис-пригодите, но и за кежуал комбинации со фармерки и балетанки. Во ладните ноќи може да послужи и како јакна, а лесно се комбинира и со здолништа и фустани.
Класична бела кошула
Белата кошула е секогаш ин. За неа се исплати да издвоите повеќе пари бидејќи навистина може да се носи во секоја пригода, и воедно да направи секогаш да изгледате префинето и убаво.
Шарена марама
Овој моден детаљ доколку правилно го искомбинирате ќе ви помогне да изгледате раскошно и шик. Задолжително имајте барем една во вашиот плакар.
Коктел-фустан
Речиси секоја жена е благодарна на малиот црн фустан од плакарот кој во безброј ситуации и помогнал да изгледа елегантно и свечено. Сепак, препорачливо е и да имате и некој фустан во боја, макар еден. Ќе се изненадите колку ќе изгледате освежено и секси.
Совршени фармерки
Нема жена која во својот ормар го нема оној омилен пар фармерки кој го комбинира за секоја пригода. Доколку спаѓате во оние малку жени кои се уште го немаат пронајдено идеалниот крој кој совршено и прилега на вашата фигура, време е да го направите тоа.
