„Филипче е човекот на кој му изгореа 14 лица во модуларната во Тетово и тој не понесе одговорност. Филипче е човекот кој за време на короната ја стави Македонија високо на светската и европската листа, но по број на умрени луѓе“, обвинија од ВРМО-ДПМНЕ
Венко Филипче е потрчко на Зоран Заев и тој едноставно не може да биде новото лице на СДСМ. Ова попладнево го соопштија од владејачката ВМРО-ДПМНЕ откако почна 30. Конгрес на опозицискиот СДСМ на кој треба да се избере ново раководство на партијата.
„Филипче е човекот на кој му изгореа 14 лица во модуларната во Тетово и тој не понесе одговорност. Филипче е човекот кој за време на короната ја стави Македонија високо на светската и европската листа, но по број на умрени луѓе. На ниво на свет ја стави Македонија на високото петто место по број на починати, а на ниво на Европа по број на починати на еден милион на високото четврто место“,
соопшти ВМРО-ДПМНЕ.
Според партијата, Фани Каранфилова Пановска која Филипче сакал, како што се наведува во соопштението, да ја продаде како нов лик, е претседателка на Сорос Македонија.
„Каранфилова Пановска не е никаков нов лик, ниту лице заинтересирано за општо добро. Неа ѝ се важни само парите или како директор на македонски Сорос, според јавно достапните информации месечно зема скоро 3 500 илјади евра. Луѓето на Филипче се истите луѓе на Заев кои се второ име за корупција и криминал, воедно и назадување на Македонија на секој план. Филипче, неврохируругот на Заев и 40 потрчковци се само синоним за корупција и криминал што резултираше со тонење на Македонија“,
велат од партијата.
Конгресот на СДСМ е во тек. Пред почетокот, претседателот на партијата Венко Филипче порача дека е праведно сите да прифатат дека се виновни за поразот на минатите избори но, како што нагласи, тој не е крај, туку шанса за нов почеток.
