Насобраните почнале да фрлаат кал кон кралот Фелипе Шести и неговата сопруга, но и кон премиерот Педро Санчез, кој бил во нивна придружба. Кралската двојка се обидела да разговара со граѓаните и сакала да ја продолжи посетата, но набрзо била опкружена од обезбедувањето кое ги спречило граѓаните да им се приближуваат дополнително
Шпанскиот крал Фелипе Шести и неговата сопруга, кралицата Летиција, се соочиле со гневни демонстрации при посетата на Валенсија – регионот што неодамна беше погоден од разорни поплави.
Насобраните почнале да фрлаат кал и да ја навредуваат кралската двојка, но и премиерот Педро Санчез, кој бил во нивна придружба. Скандирајќи „убијци“ и „оставка“, демонстрантите барале одговори зошто ништо не е преземено за да се избегне трагедијата во која загинаа повеќе од 200 лица.
Кралската двојка се обидела да разговара со граѓаните и сакала да ја продолжи посетата, но набрзо била опкружена од обезбедувањето кое ги спречило граѓаните да им се приближуваат дополнително.
И покрај тоа, кралот Фелипе им пришол на граѓаните и разговарал со дел од нив, но набрзо тој и неговата сопруга ја завршиле својата посета, а до возилото биле придружувани од обезбедување.
Успешно евакуиран од местото бил и премиерот Санчез.
Според последниот биланс, бројот на жртвите во поплавите што го зафатија југоисточниот дел на Шпанија по обилните врнежи се искачи на 217. На речиси целиот исток на Шпанија е прогласен жолт и портокалов метеоаларм поради најавите за нови врнежи од дожд. Црвено предупредување е издадено во провинцијата Алмерија. Покрај тоа, во делови од Валенсија е воведен режим на ограничено движење поради новите врнежи.
⚠️AVISO ROJO | Lluvias torrenciales en la provincia de Almería.
Posibles desbordamientos de cauces e inundaciones. ¡El peligro es extremo! ¡No viaje salvo que sea estrictamente necesario!
En otras zonas del Mediterráneo persiste el aviso naranja: peligro importante. pic.twitter.com/LbYNrAxz42
— AEMET (@AEMET_Esp) November 3, 2024
