Филмскиот фестивал за млади „Џифони Македонија“ продолжува да ја слави својата уникатна космополитска атмосфера, привлекувајќи млади од различни земји и создавајќи простор за културна размена, инспирација и нови пријателства. Годинава, во Скопје пристигнаа учесници од Србија, Ирска, Косово, Хрватска, Италија и други земји, а кулминација на оваа мултикултурна средба беше Интернационалната вечер, една од омилените традиции на џифонците.
