Во својот говор, Свифт му се заблагодари на својот дечко Тревис што беше на снимањето на спотот „Fortnight“ и ја бодреше. Обожавателите го наградија спомнувањето на ѕвездата на НФЛ Тревис Келси со гласни крици.
„Сè што ќе допре овој човек се претвора во среќа, забава и магија“, рече таа, пред да се префрли на претседателските избори во 2024 година и да побара од сите нејзини фанови кои имаат над 18 години да се регистираат за гласање.
Свифт, сепак, избегна да разговара за претседателската кандидатура на Камала Харис на сцената. Во вторникот вечерта, Свифт ја поддржа потпретседателката, неколку моменти по завршувањето на дебатата на Харис со поранешниот претседател Доналд Трамп.
Со овие награди Свифт се искачува на вкупно 30 видео музички награди, со што се изедначи си Бијонсе за титулата најнаградувана музичарка во историјата на видео музичките награди. Еминем сега е машкиот уметник со најмногу идео музички награди, со 14.
Свифт и Пост Малоун ја однесоа и првата телевизиска награда на ВМН за најдобра соработка, за „Fortnight“, која им ја врачија Флејвор Флав и олимпиецот Џордан Чилес.
„Постои причина зошто Пост Малиун е омилена личност во музиката со која може да соработува. Многу време ми требаше да го натерам да не ме вика госпоѓо“ се пошегува Свифт.
Шапел Роан ја освои наградата на Ем-Ти-Ви за најдобар нов изведувач.
„Ова го посветувам на сите драг уметници кои ме инспирираат“, рече таа во својот говор. „И ова го посветувам на квир и транс луѓето кои ја водат поп музиката. … Ви благодариме што слушавте“.
Другиот глас на попот од 2024 година, Сабрина Карпентер, го освои трофејот за песна на годината за „Еспресо“.
„Ова е навистина посебно“, рече таа во својот говор посветен на нејзините обожаватели. „И благодарам на тоа“.
Кети Пери ја доби наградата Видео авангард, изведувајќи осум песни: „Roar“, „E.T.“, „California Gurls“, „Teenage Dream“, „I Kissed a Girl“, „Firework“ и „Lifetimes .“
„Го направив сето тоа на првиот ден од менструацијата, можете ли да верувате?“ се пошегува откако ја прифати наградата од партнерот Орландо Блум. „Има толку многу работи што треба да се усогласат за да имате долга и успешна кариера како уметник. Нема децениски инциденти“.
