На 10 октомври, Филхармонијата ја започнува новата концертна сезона со спектакуларен концерт на кој солист ќе биде оперската певица Ана Дурловски. Оваа сезона е посебна бидејќи го одбележува 80-годишниот јубилеј на оваа реномирана институција.
Дурловски, во придружба на Оркестарот на Филхармонијата, ќе изведе познати арии од Корнголд и Чајковски, како и премиерна изведба на увертира од македонски композитор. Концертот ќе биде диригиран од Јерухам Шаровски од Израел и е насловен „Го славиме јубилејот“.
На 17 октомври, публиката ќе може да ужива во концертот „Озвучени емоции“, на кој како солист ќе настапи реномираниот француски пијанист Лука Дебарг. Тој ќе ги изведе делата на Шопен и Стравински.
Кулминацијата на оваа славеничка сезона ќе биде на 28 октомври со концертот „80 години љубов“, на кој солист ќе биде македонскиот пијанист со светска кариера Симон Трпчески. Трпчески ќе ја изведе премиерната увертира од македонски композитор, Концерт за пијано и оркестар во а-мол, Оп. 16 од Григ и Симфонија бр. 1 „Титан“ во Де – дур од Малер.
