Државните медиуми ги опишаа фрлачите како моќно, модерно тактичко јуришно оружје дизајнирано лично од Ким и подготвено за пренос во единиците на Корејската народна армија (КПА)
Севернокорејскиот лидер Ким Џонг-ун синоќа ја надгледуваше испораката на нови тактички балистички ракети на војниците на неговата земја, јави севернокорејската новинска агенција КЦНА.
Ким, исто така, одржа говор на церемонијален настан во Пјонгјанг каде беа претставени 250 нови тактички фрлачи на балистички ракети, пренесе КЦНА.
Државните медиуми ги опишаа фрлачите како моќно, модерно тактичко јуришно оружје дизајнирано лично од Ким и подготвено за пренос во единиците на Корејската народна армија (КПА).
Северна Кореја соопшти дека минатиот месец ја тестирала својата нова тактичка балистичка ракета.
„Пјонгјанг ќе има зголемена нуклеарна подготвеност во блиска иднина за да ги одврати нуклеарните закани и да се заштити себеси и да одговори на сите предизвици“,
рекол Ким во говорот пред воените сили и воените научници.
Тој повторил дека складирањето и подобрувањето на нуклеарното оружје на земјата е најдобриот начин да се спротивстави, како што рекол, на нуклеарните закани и притисокот од САД.
Тој, исто така, рекол дека мирот е загарантиран со „апсолутна и неспоредлива способност за самоодбрана“, според КЦНА.
