Израелските одбранбени сили го обвинија Хезболах за нападот, но портпаролот на милитантната група Мохамад Афиф негираше „каква била поврзаност со инцидентот на Мајдал Шамс
Единаесет лица, меѓу кои и деца, загинаа денеска кога ракета од Либан падна на фудбалскиот терен во Мајдал Шамс на Голанската висорамнина во северен Израел, пренесува Би-би-си.
Покрај 11 загинати, ранети се и 19 лица. Претходно беше соопштено дека во нападот се тешко ранети девет лица и дека се работи за деца и млади на возраст од 10 до 20 години.
Израелските безбедносни сили (ИДФ) оценија дека ракетата што го погодила фудбалскиот терен каде што играле деца била релативно тешка.
Врвот на ИДФ врши проценки на нападот, за кој велат дека е најсмртоносниот што Хезболах го извршил во екот на престрелките на северната граница, и, како што соопшти, ќе одреди одговор против терористичката група.
ИДФ на социјалната платформа Икс соопштија дека Хезболах истрелал околу 40 проектили кон северен Израел.
The Hezbollah terrorist organization is behind the rocket launch at a soccer field in Majdal Shams which caused multiple civilian casualties, including children, earlier this evening.
According to an IDF situational assessment and the intelligence in our possession, the rocket…
— Israel Defense Forces (@IDF) July 27, 2024
Израелските одбранбени сили го обвинија Хезболах за нападот, но портпаролот на милитантната група Мохамад Афиф негираше „каква била поврзаност со инцидентот на Мајдал Шамс.
„Сите обвинувања за вмешаност на нашата група се лажни“,
рече тој.
Израелскиот министер за надворешни работи Јизраел Кац изјави дека разговарал со премиерот Бенјамин Нетанјаху по смртоносниот напад врз Мајдал Шамс, но не наведува детали од разговорот.
„Нема сомнеж дека Хезболах ги премина сите црвени линии. Се соочуваме со сеопфатна војна“,
вели Кац.
Од кабинетот на израелскиот премиер Бенјамин Нетанјаху соопштуваат дека тој изутрина ќе се врати во Израел од неговата посета на САД.
„Веднаш по сознанието за катастрофата, премиерот Бенјамин Нетанјаху нареди неговото враќање во Израел да се спроведе што е можно побрзо“,
рекоа тие.
