САД, во соработка со приватниот сектор, се подготвуваат да ги интензивираат напорите за истражување на Месечината со лансирањето на комерцијалната мисија Peregrine, но организацијата предупреди на потенцијални опасности за ресурсите на Месечината.
Во наредните години неколку сонди ќе бидат испратени на површината на Месечината, кога би можело да се очекува и натпревар на заинтересираните страни за контрола на ресурсите на единствениот природен сателит на нашата планета.
Многу од лунарните мисии – јавни и приватни – што се очекува да бидат допрени во следните години, имаат за цел да најдат ресурси што би можеле да ги поддржат астронаутите или да бидат комерцијално вратени на Земјата, како што е хелиум-3, којшто би можел да се употребува во нуклеарните реактори, пишува science.
НАСА и повеќе астрономи веќе предупредија дека долгорочните ефекти од искористувањето на ресурсите на Месечината може да имаат сериозно влијание врз важните научни истражувања.
Мартин Елвис од Центарот за астрофизика на Харвард оцени дека „проблемот стана итен“.
„Мораме да дејствуваме сега бидејќи одлуките донесени денес ќе го дадат правецот за нашето идно однесување на Месечината.
Идејата ја сподели со јавноста и астрономот професор Ричард Грин од Универзитетот во Аризона.
„Не се обидуваме да ја спречиме изградбата на лунарна база. Сепак, има само неколку ветувачки локации, а некои од нив се исклучително вредни за науката.
Мораме да бидеме многу, многу внимателни каде ги градиме нашите рудници и бази“, рече Грин.
„Проблемот е во тоа што е потребно долго време за да се направат промени во договорите на ОН, така што мора да дејствуваме сега ако сакаме да имаме каква било надеж за воспоставување меѓународни договори за заштита на посебните научни карактеристики на Месечината и да се осигураме дека тие нема да бидат уништени од непромислена експлоатација“, додава Грин.
Предупредувањето доаѓа откако приватно изграден американски лендер треба да слета на Месечината во понеделник, 8 јануари. Лендерот Peregrine, развиен од Astrobotic со седиште во Питсбург, ќе биде првата комерцијална мисија која успешно слета на Месечината и првата мисија поддржана од САД во повеќе од 50 години од крајот на проектот Аполо.
