„Diversus“ – прва изложба на Ана В’чкова и Вања Кашавелска во МКЦ

На 16ти декември, во 20:00 часот во Младински Културен Центар – Скопје ќе биде отворена
изложбата „Diversus“ (Различност) на младите уметници Ана В’чкова и Вања Кашавелска.
Diversus e воспевање на женската поетика, еден уметнички експеримент за она што навистина
претставува – да се биде жена. Делата на сликарките Ана В’чкова и Вања Кашавелска
претставуваат своевиден интерпретативен коментари на темата за женското тело и женската
сексуалност. Оваа заедничка изложба, насловена едноставно Diversus (чие етимолошко значење
доаѓа од латинскиот збор различна, опозитна, спротивна) во центарот на својот истражувачки
фокус ја поставува сликата на жената. Главната цел на делата е да ја нагласат автентичноста на
чистата женственост и да дадат автопоетички коментар на она што претставува феминистички
сензибилитет.
Ана В’чкова е дипломирана визуелена уметница при Факултетот за Ликовни ументости УКИМ во
Скопје на отсекот сликарство – модул сценографија. Нејзиниот уметнички фокус е мултимедијален
и таа работи симултано со повеќе медиуми: сликарство, фотографија и дигитална илустрација.
Комбинираните техники се основата на нејзините уметнички експерименти  чија главна цел е
поавтентично да ја доближат тематската единица до окото на набљудувачите. Ана има
учествувано на повеќе групни изложби меѓу кои Manchester Art Fair (2021), Скала (2022) и сл. Ана
моментално е дел од креативниот сектор во Скала.
Вања Кашавелска е дипломирана сликарка при Факултетот за Ликовни уметности во Скопје на
отсек сликарство. Во јадрото на нејзината уметничка експресија е реалистичниот приказ на
стварноста како еден визуелен амалгам на различни техники. Добитничка е на наградата „Борко
Лазески“, а земала учество и на неколку македонски изложби. Има склучено соработка со галерии
и работи на приватни проекти. Првата самостојна изложба ја има остварено во Сант Пол де Ванс,
Франција.
Влезот е слободен!
Иложбата ќе биде поставена во глеријата на Младински Културен Центар – Скопје до почетокот на
месецот јануари
Проектот е поддржан од Министерство за култура на Република Северна Македонија.