Зајакнувањето на капацитетите на Управата за финансиско разузнавање на Северна Македонија е целта на регионалната конференција на која денеска учествуваат Управите за финансиско разузнавање на Западен Балкан, како и претставници на владини и финансиски институции во Скопје, на тема „Организиран криминал, перење на пари и финансирање на тероризам: тенденции, предизвици и добри практики“.
При отворањето на настанот, вицепремиерот на РСМ, Љупчо Николовски, истакна дека од август годинава, со усвојување на Национална стратегија за борба против перење пари и финансирање на тероризам (2021– 2024), ќе се подобри динамиката на системот против перење пари и финансирање на тероризам, финансиските истраги и конфискација на имот. Според него, трошоците за криминал и ваквите незаконски дејствија одат на штета на јавниот буџет а му штетат и на квалитетот на животот на граѓаните и директно влијаат на квалитетот на јавните услуги. Тој, исто така, нагласи дека најголемата новина во однос на новото законско решение е тоа што овозможува испитување на потеклото на имотот не само кај носителите на јавни функции, туку и кај сите граѓани.
„Сме биле сведоци на незаконско збогатување на сметка на државниот буџет, од луѓе кои не се носители на јавни функции, никој не може да создаде личен капитал на сметка на државата“, изјави Николовски.
Додека пак, заменик-министерот за финансии Димитар Ковачевски изјави дека криминалците и
криминалните групи не знаат за граници и затоа ваквите состаноци се важни, каде што најповиканите за
борба против перење пари и финансирање на тероризам имаат можност да разменуваат искуства и може
да одговорат на новите форми на криминалните групи, користејќи ја најновата технологија. Перењето пари и финансирањето тероризам причинуваат економски и социјални последици, распнувајќи ја економијата на земјата, како и нејзината безбедност.
Ковачевски, исто така, ги истакна мерките што се спроведуваат, наведувајќи го високиот ризик поврзан со виртуелните фондови како што се криптовалутите. Благодарение на системските напори и активности, РСМ е меѓу 15-те земји со најмал ризик за перење пари и финансирање тероризам, објавено од Базелскиот институт, изјави Ковачевски.
Сефер Селими, извршен директор на Демокраси Лаб, спроведувач на овој проект, нагласи дека преку овој
ангажман ќе се постигне да интернет страницата на Канцеларијата за финансиско разузнавање биде
достапна за сите субјекти што се ангажирани за спречување на перење пари и финансирање на тероризам во РСМ. Канцеларијата ќе има поддршка за ажурирање на показателите за идентификација на сомнителни дејства поврзани со финансирање на тероризам преку ангажирање на холандски експерти; ќе се изврши анализа во рамки на Министерството за финансии за потребите за регулирање на виртуелните валути, како и подготовка на правна рамка за регулирање на истите.
Регионалниот координатор за безбедност при Амбасадата на Холандија, Ален Ансион при неговиот говор потсети дека наша колективна одговорност е да го запреме финансискиот промет што овозможува тероризам. Интересот на Кралството Холандија е едноставен, стабилност, безбедност и просперитет, Северна Македонија не треба да биде само дел од НАТО, туку и Европската унија. Холандија е силен поддржувач на напорите на Северна Македонија за усогласување со законодавството на ЕУ за спречување и борба против перење пари и финансирање тероризам. Имаме репутација на строг, праведен и посветен партнер за ова прашање, и работиме заедно со локалните власти, граѓанскиот сектор и локалните заедници за да ги зајакнеме нивните капацитети преку зголемување на отпорноста кон ризиците и заканите. Холандската Единица за финансиско разузнавање, со покровителство на Групацијата Егмонтит инвестира во одржување и проширување на меѓународната соработка со своите партнери, не само во областа на оперативната размена на податоци, туку и во преносот и размената на знаења и искуства.
Форумот на високо ниво за Организиран криминал, перење пари и финансирање тероризам се организира со цел подигање на свеста и размена на информации за најновите трендови за организираниот криминал помеѓу претставници на Управите за финансиско разузнавање на Западен Балкан, односно претставници од Албанија, Босна и Херцеговина, Црна Гора , Косово и Србија. Овој форум е поддржан од Кралството Холандија и се спроведува од Здружението за унапредување на демократијата – Демокраси Лаб и Канцеларијата за финансиско разузнавање во РСМ.
Здружението за унапредување на демократијата – Демокраси Лаб.
