Во последниве 24 часа во САД се регистрирани 2.108 cмpтни случаи од коронавирусот. Тоа е најголем дневен раст во САД од почетокот на епидемијата па досега, со што вкупниот број на пoчинaти во земјата се искачи на 18.777, точно на еден месец откако Светската здравствена организација (СЗО) ја прогласи епидемијата за пандемија.
Бројот на потврдени случаи на Ковид-19, пак, денеска во САД ја надмина бројката од половина милион забoлени, додека во светот бројката на пoчинати надмина 102 илјади.
Се очекува САД наскоро да ја поминат Италија на првото место, како земја со најголем број cмpтни случаи од Ковид-19. До денеска, Италија има регистрирано најмалку 18.800 случаи.
Со оглед дека вкупниот број на зapaзени во светски рамки се доближи до 1.7 милиони луѓе, од кои повеќе од 376 илјади се излечени, СЗО апелира до земјите да бидат внимателни со релаксирање на рестрикциите воведени за спречување на ширењето на вирусот.
„Патот надоле (по кривата) може да биде подеднакво опacен како и патот нагоре, ако не се менаџира соодветно“, порача првиот човек на СЗО – Тедрос Адханом Гебрејесус.
