Највисоката статуа во светот набрзо ќе биде откриена во Индија, во државата Гујарат. Статуата ќе биде висока дури 182 метри, а ќе го претставува Валабхаи Пател, попознат како Сардар Пател („сардар“ на индиски е „шеф“) – првиот заменик премиер на Индија и клучна фигура и херој во индиската борба за независност.
Статуата во негова чест, наречена „Статуата на единството“ (Statue of Unity), ќе ја засени дури и сегашната највисока во светот – статуата на Буда во Пролетниот храм во Кина, која е висока 128 метри.
Изградена е за рекордни 42 месеци, а ќе чини околу 430 милиони долари. Ќе биде откриена на 31-ви октомври, по повод годишнината од раѓањето на Сардар Пател.
