Римскиот костур со дупка во стапалото, стар 2.000 години, укажува на мачењата кои биле применувани во Стар Рим, а се смета дека на овој начин бил убиен и Исус Христос.
Пронајден во текот на ископувањето на гробницата на северот на Италија, костурот покажувал знаци на “специфични поради” на десната пета, кои сугерираат дека човекот бил распнат.
И покрај тоа што Римјаните со векови практикувале распнување на луѓе, вклучувајќи го и Исус, доказите за оваа техника се многу ретки. Единствениот друг примерок е 19 сантиметри долга шајка пронајдена во телото на еден Евреин, откриен во гробница во Ерусалим во 1968. година.
A 2,000-year-old Roman skeleton with a hole in his foot is only the second physical remain of the type of 'torture that killed Jesus'.
"The… https://t.co/OfRTpHFHgg
— DaVe W LeE (@davewflee) June 1, 2018
Докази за распнувања се ретки бидејќи дрвените крстови кои ги користеле Римјаните брзо се распаѓале. За шајките, од друга страна, се верувало дека имаат магични својства, па често биле вадени од жртвите. Римскиот говорник Цицерон забележал дека ова е “најсуровата и најстрашна” од сите казни.
Костурот е пронајден на околу 60 километри од Венеција во долината на реката По. “Важноста на ова откритие лежи во фактот дека ова е само втор случај документиран во светот”, рекла археологот Урсула Тун Хохенстајн.
Не е можно да се одреди староста на костурот бидејќи неговата површина е слабо сочувана. Сепак, остатоците се пронајдени покрај типични римски цигли и плочки, што сугерира дека потекнува од тој период.
“Тука сметаме дека веројатна причина за повредата е распнувањето, но интерпретацијата е комплицирана поради лошата зачуваност на површината на коските, како и поради оштетувањата и дупките на другите делови од костурот”, напишале научниците.
Начинот на кое лицето било погребано, само и без материјални добра, говори дека припаѓало на маргинални општествени групи или дека било заробено.
