Околу 150 кита се насукаа на плажата Хамелин Беј во Австралија, околу 300 километри јужно од Перт. Китовите рано утринава по локално време ги забележале рибари и веднаш ги повикале спасувачките служби.
Повеќе од половина китови умреле, соопштија австралиските власти. Операцијата за спасување сѐ уште трае.
„Тежината на китовите и временските услови ни ја отежнуваат работата. Дефинитивно ќе ни ги отежни напорите да ги вратиме китовите во морето“, изјави Џереми Чик од Одделот за паркови и дивина.
Станува збор за китови пилоти, вид познат по масовните насукувања. Австралиските власти објавија предупредување за опасност од ајкули.
„Постои можност загинатите животни да ги привлечат ајкулите во близина на брегот“, се вели во соопштението. Експертите сѐ уште не ја знаат причината за насукувањето на китовите. Се сомнева дека тоа го прават кога се болни, повредени или ќе згрешат во навигацијата, а понекогаш со тоа им испраќаат сигнали на останатите животни.
Моменталниот рекорд датира од 1996 година кога во Австралија се насукаа 320 китови.
https://www.facebook.com/albanyadvertiser/videos/1536227729766444/
Heartbreaking scenes as more than 150 whales beached themselves in WA's south-west. The massive rescue effort continues to save those still alive. LATEST | https://t.co/ZbdFd8jLBL #ABCNews #ABCPerth #HamelinBay #Augusta pic.twitter.com/0jzebr90W8
— ABC Perth (@abcperth) March 23, 2018
Attempts to save the whales are proving tricky. As soon as they get pushed out to sea, the tide drags them right back in @abcperth @abcsouthwestwa pic.twitter.com/Xx8PfV8RcN
— Gian De Poloni (@GianDePoloni) March 23, 2018
