Вчеравечер во Македонската Опера и Балет поп-ѕвездта Каролина Гочева го одржа првиот концерт на кој го промовираше најновиот музички албум “Извор”. Во потполна тишна во салта преполна со публика, поп ѕвездта ја раскажуваше свјата музичка приказна.
Публиката имаше можност да ги чуе во живо сите нови песни од долгоочекуваниот албум на Каролина насловен „Извор“, и да се потсети на најубавите песни од проектот „Македонско девојче“.
Само за една од новите песни, текстот го напиша познатата актерка Весна Бејби Петрушевска, блиска пријателка на Каролина. Публиката во комплетна тишина уживаше во убавата балада „Будна“, и длабоката љубовна приказна во текстот која Каролина ја испеа со многу емоции.
Публиката ја пречека со силен аплауз, и сосема заслужено а ја испрати на нозе, пеејќи го заедно со неа новиот хит, „Ѕвона“. Каролина Гочева и нејзините фанови успешно го скршија мразот на првиот, од седумте закажани концерти, сношти во МОБ.
„Ви благодарам што заедно со мене вечерва го пробивте мразот. Ако ви се допадна, дојдете пак. Имаме уште шест концерти“, рече Каролина за крај.
