Бордот на Европски Студенти по Технологија (БЕСТ) – Скопје со особена чест ви го најавува тринаесеттиот по ред Саем за вработување и кариера – Job Fair 2017, кој ќе се одвива во периодот 3 април – 12 април 2017 година. БЕСТ ве пречекува со широко отворени врати и многу можности за сите заинтересирани, затоа ве повикува на официјалното отворање кое ќе се одвива на 03.04.2017 во амфитеатарот на Технолошко-металуршки факултет, а ве очекуваат и на останатите денови од саемот, кои ќе се одвиваат во периодот од 3 – 7 април на кампусот на техничките факултети, и од 10 -11 април на Архитектонскиот и Градежниот факултет.
Job Fair е најголемиот и најсериозниот настан кој БЕСТ Скопје го организира, а воедно е и местото каде студентите можат да се информираат за сѐ она кое го нудат компаниите учеснички, како и за потенцијално идното работно место или пракса. Компаниите, пак, имаат можност да стапат во контакт со нивните потенцијални вработени. Целта е да се доближат амбициите на студентите поблиску до компаниите, а самите тие да се доближат чекор поблиску до својата кариера. Минатата година Job Fair се покажа како најуспешен досега, со вкупно 36 присутни компании.
Овој саем е одлична можност за студентите да добијат пракса или работа во некоја од најдобрите компании во земјата. Она што е потребно е да го остават своето CV na www.jobfair.org.mk – со тоа нивните биографии стануваат дел од датабазата до која имаат пристап сите компании учеснички од Република Македонија и надвор од неа, во текот на целата година.
Компаниите на овој саем ќе имаат можност да држат бесплатни предавања, soft skills тренинзи, презентации, и натпревари, во кои ќе можат да учествуваат студентите таргетирани токму од нив.
БЕСТ го очекува вашето присуство, ама и вашиот огромен успех по завршувањето на овој настан. За повеќе информации посетете ја официјалната веб страна на настанот: www.jobfair.org.mk.
Текстот е објавен во соработка со Бордот на Европски Студенти по Технологија (БЕСТ)
