Анонимуси спречиле терористички напад на Италија

Месецов работиме во тишина. Веќе спречивме еден напад на ИС во Италија, а се надеваме дека ќе спречиме и други, објавија “Анонимуси” на Твитер.

Анонимуси соопштија денес дека спречиле терористички напад на “Исламска држава” во Италија благодарение на тоа што по нападите во Париз ги интензивирале хакерските способности против џихадистите.

“Анонимуси” им објавија интернет војна на џихадистите, непосредно пред нападите минатиот месец во Париз, во кои животот го загубија 130 луѓе.

Не се објавени повеќе детали за планираниот напад во Италија.

Експертите предупредуваат дека социјалните медиуми се едно од најмоќните оружја во рацете на IS, со помош на кои џихадистите комуницираат со луѓе ширум светот.

Активистите од “Анонимуси” неодамна објавија список на хаштази на Твитер каде, како што тврдат, се шири џихадистичка пропаганда.