Ако сте мислеле дека е невозможно да живеете во мала куќа, барем привремено, сте се измамиле.
Можно е сосема лесно да функционирате и во седум ипол квадратни метри.
Оваа куќа има само неколку квадратни метри, но во неа се сместени кревет, мала кујна со минифрижидер и поткровје.
Ако отворите еден дел од кровот, добивате и тераса на која може да се смести уште еден кревет.
Најдобро од се е тоа што оваа куќичка можете да ја изградите сами: плановите за неа се продаваат на интернет, по цена од 29,95 долари.
Потоа, изградбата чини 1.200 долари (67.600 денари), или дури уште помалку, барем според дизајнерот Дерек Дидрикен од блогот “Relaxshacks”.
– Целта ми беше да направам едноставна куќа која многумина можат да си ја дозволат, вели тој.
И успеа во тоа. Единствената маана е тоа што оваа куќича нема тоалет, но и понатаму е совршена за кампување.
