Животот нема цел…ние имаме цел. Секоја ситуација, секоја случајност ни дава можност да се изградиме себе, такви какви што сакаме да бидеме. Прашањето е само да ги прифатиме можностите да ги оствариме идеите, да преземеме акција и активно да тргнеме кон целта која сме самите ние.
Погледнете пет способности, што ќе ви помогнат да го направите токму тоа.
1. Љубопитност
Радоста доаѓа лесно, кога сме млади и уште не сме тргнале по патеките што ни задаваат длабоки удари. Љубопитноста да испитаме нови работи и различни перспективи ни овозможува да ја опипаме плимата на откровение и убавина, каде и да одиме. А оние од нас кои се борат да одолеат на тежата на зоните на конфорт, кои ја задржуваат љубопитноста и во зрелата возраст, учат многу повеќе и гледаат многу повеќе убавина во својот живот. Љубопитноста е основа за раст, благодарение на неа умовите и срцата ни се подмладуваат секој ден, наместо да стареат.
2. Креативност
Кога станува збор за раст и развој, ако љубопитноста е моторот, креативноста е кормилото. Денес светот се движи толку брзо што често оние кои велат дека нешто не може да се направи, остануваат во сенка, поради оние кои тоа го прават. И токму затоа е важно да се обучува креативниот ум редовно.
3. Издржливост
Со исклучок на сопствените мисли, нема ништо друго што ќе биде целосно во ваша власт. Да знаеш и да го прифатиш тоа ти дава способност да се справиш ингениозно со постојаните непријатности во животот – флексибилност и издржливост. Тоа е способност да ја прифаќаш реалноста, дури и да се разминеш со фантазијата, која ја имаш во твојот ум, или со она што некогаш реално си го имал – и наместо да се жалиш, да се обидеш да направиш со неа нешто подобро.
4 . Трпение
“Нема зошто да се брза. Се ќе дојде некој ден!”, велееше Мечото Пух. Тоа е моќта на трпението. Трпението не е да стоиш неподвижно. Тоа е да го управуваш времето на таков начин што ќе постигнеш долгорочен резултат и ќе се движиш стабилно напред. Да се справиш со времето помеѓу заминувањето и пристигнувањето бара доста волја. Без разлика колку е здодевно чекањето, не треба да заборавиме дека резултатите не доаѓаат веднаш.
5. Доверба во себе
Самодовербата е најважната од сите световни способности, бидејќи без неа не можеш систематски да ги практикуваш останатите. Едноставно кажано таа е цврста желба да ја земеме одговорноста за својот живот од овој момент, па натаму.
