Кон крајот на 80-те години, на пазарот на Југославија се појави зелен кармин во кичесто златно пакување, увезен од Турција. Иако беше зелен, при нанесувањето на усните тој даваше сјајна црвена боја. Преку ноќ овој „магичен“ кармин стана многу популарен и продаван на овие простори. Можеше да се види во козметичките чантички на на нашите мајки, тетки, стрини.
Оние, кои го користеле, ја помнат неговата маана. Беше премногу постојан. Доколку еднаш го нанесете потоа со денови нема да можете да го отстраните.
Тоа не им одеше во прилог на тогаш малите девојчиња кои сакаа скришум да нанесат од овој фасцинантен кармин, па не успеваа да го извадат пред нивните мајки да се вратат од работа.
Девојки, го помните ли?
