Речиси не постои човек кој не сака фотографии, особено оние кои се поврзани со неговото семејство. За жал, со доаѓањето на дигиталните фотографии драстично го зголемивме бројот на сликите што ги правиме, но ја загубивме вистинската врска со нив.
Складираме стотици, дури и илјадници слики во компјутерите и телефоните, но не сфаќаме како со едно погрешно движење може да ги изгубиме засекогаш. Недостатокот на потреба да одиме во фотостудио, постепено ги промени навиките и ние речиси заборавивме што претставува магијата на вистинските слики.
Замислете да направите ваша изложба. Звучи смешно, но оваа идеја е токму тоа – своевидна изложба на семејни фотографии. Локација – вашиот дом. Време – безвременска.
Купете различни по големина рамки и наредете ги внимателно на ѕидот.
Резултатот е неверојатен. Доколку имате деца тие ќе бидат исклучително среќни да ги видат своите родители како мали, да бидат сведоци на вашата венчавка и повеќе важни моменти од минатото. Да ги видат своите баба, дедо…
Тоа може да стане вашето омиелно катче во домот. Можете да ги менувате фотографиите, позициите. Неговото создавање може да создаде хармонија и љубов.
Во оваа насока, 365 избра за вас и неколку примери.
Се надеваме дека внесовме доза инспирација во вашиот ден.
