Сите ги сакаат своите миленичиња, но за жал не може секогаш да се каже истото и за цените во продавниците специјализирани за домашни животни. Така, понекогаш претставува невозможна мисија да се пронајде удобно креветче за прифатлива цена. Особено доколку вашето милениче е големо куче.
Водени од оваа причина, во продолжение ви прикажуваме четири симпатични кревети, кои со малку креативност, труд и мака можете да ги направите и самите, а да бидат поудобни и поекономични од купените.
1. Креветче сместено во стар куфер
Употребата на старите предмети станува се поактуелна при секојдневното декорирање на домот. Така, доколку ви се наоѓа некој сличен ваков куфер дома, еве на кој начин можете да го модернизирате. Изледа ретро, интересно, симпатично и најважно од се, навистина е практично.
2. Арт-деко креветче
Доколку имате дома стар кревет од кој сакате да се ослободите, еве на кој начин можете да го рециклирате, без да зафаќа премногу место.
3. Стара ТВ-комода
Оние кои веќе не го користат ова парче мебел, слободно можат да го вратат назад како дел од ентериерот. Одберете боја која ќе одговара на собата каде спие вашето милениче, постелете во долниот дел удобна перница, а горниот украсете го со фотографии или сувенири.
4. Фиока
Сигурно имате дома некое старо парче мебел кое ви фаќа прашина, а содржи фиоки. Еве на кој начин можете од нив да направите вистинско чудо за вашето милениче.
