Парк Сео Ун од Јужна Кореја секој ден поминува до три часа пред веб камерата, така што… јаде и заработува пари.Во последниот месец таа заработила на овој начин дури 9 000 долари.
Но, таа не е единствената. Се работи за нов хит во Јужна Кореја, кој вклучува 3. 500 луѓе во земјата како јадат пред камера. Некои од нив се спонзорирани од ресторани, други работат за себе.
Парк , пред да почне да јаде пред камера работела во консултантска фирма, но ја напуштила, за да се оддаде на својата нова „кариера”. Таа има 34 години и нејзиниот онлајн пренос се нарекува The Diva и е меѓу најпопуларните од оваа бранша.
Зошто да гледате човек кој јаде?
Некои го прават тоа , затоа што се на диета и не можат да јадат. Ова сепак не звучи многу убедливо – ако се обидувате да јадете помалку, веројатно, едвај ќе гледате со часови како некој јаде вкусна храна. Другите гледачи признаваат дека живеат сами и им е здодевно да седат сами на масата, па затоа си пуштаат некој од овие канали. Во Јужна Кореја, многу луѓе живеат сами – според последните истражувања 1/3 од домаќинствата во земјата формират домови со еден човек. Очигледно осаменоста води до ова чудно хоби … Погледнете како изгледа едно од нив.
