Уште еден неверојатен гаџет беше претставен на овогодинешниот CES настан. Okidokeys е еден од тие гаџети кои навистина го привлекоа вниманието на секој, претежно заради едноставната и во исто време комплексна употреба која тој ни ја нуди.
Okidokeys е всушност дизајниран да ни овозможи контрола на пристапот на нашата влезна врата. Тој е еден вид смарт брава. Не самошто информира кој стои пред вратата, туку и ги заменува традиционалните метални клучеви, па можете и со него да ја отварате влезната врата, доколку сте ги заборавиле или изгубиле клучевите. Новата Okidokeys апликација која е дизајнирана и за iOS и за Android смартфоните и таблетите се поврзува користејќи ја Bluetooth 4.0 технологијата и користи 256-битна AES криптолошка сигурност.
Okidokeys е дизајниран така што ви овозможува лесна инсталација и не бара никакви алатки ниту бушење на ѕидовите за да го инсталирате истиот. Веќе во средината на оваа година, Okidokeys ќе биде достапен низ цела Европа по цена од околу 150 евра.
Текстот е објавен во соработка со Socialnet.mk.
