Романтичната врска е преполна со компримиси.
Но, тоа не значи дека треба да се помирите со судбината и да заборавите на повеќето свои потреби. Секоја жена заслужува човек кој ќе ја сака и почитува, и кој ќе биде спремен на одредени отстапки за да ја направи среќна.
1. Полноќен шопинг
Знаете дека покрај себе го имате вистинскиот човек, ако истиот е подготвен сред ноќ да истрча до најблиската продавница за да ви купи тампони или влошки. Него не само што не му е непријатно да купува интимни женски производи, туку е свесен дека треба да биде ефективен, а купувањето да го направи во брз временски рок.
2. Паметење на детали
Тој не мора да ви ги чита мислите, ниту да биде одличен готвач, но би требало да ги знае вашите фаворити. По долгиот работен ден, тој ќе ве изненади со најомиленото јадење од омилениот ресторан, и без прашање ќе ви наточи чаша вино. Истовремено, пред него можете да јадете и пиете без чувство на вина.
3. Релаксирање пред телевизорот
Чувајте го мажот кој мисли дека саботната вечерна забава е еднакво забавна како и „вегететирање“ пред телевизорот покрај вас со омилената серија. Жените сакаат да се подготвуваат и излегуваат на ноќна забава, но понекогаш не им е до тоа и сакаат само да се гушкаат со партнерот во топлите пижами.
4. Поделба на домашните обврски
Живееме во 21-ви век и чистењето, готвењето и перењето не се исклучиво женски работи. Ако имате маж кои доброволно ќе се понуди да ги измие садовите по вечерата, знае да ја запали правосмукалката и е подготвен да ја пушти машината за перење- чувајте го!
5. Добар секс
Неговото тело е создадено за кај вас да предизвикува ерупција од страст и задоволство. Вие имате право понекогаш да кажете дека ве боли глава, но исто така заслужувате несебично водење на љубов кое ќе ви даде незамислени височини.
6. Делење на исти интереси
Вашиот партнер не треба да биде ваша копија во машко тело, но убаво е да се биде во врска со некој кој дели дел од вашите интереси, или едноставно сака да ви угоди.
7. Посветеност во врската
Ви заслужувате партнер кој е свесен за вашите добри и лоши страни. Згора на тоа, тој се смее на вашите (лоши) шеги, сака секогаш да биде во ваше друштво, и не размислува на други жени. Тој посветено сака да ја гради вашата врска.
