Дали сте се запрашале колку би јаделе ако седнувате на трпеза само кога сте навистина гладни и да престанете да јадете кога сте сити? Прејадувањето треба да се избегнува во секоја прилика, а најлошо од се е што се прејадуваме од чиста досада.
За да не чувствувувате грижа на совет откако ќе изедете килограм леб и цела паштета ви откриваме седум трикови како да и ставите крај на оваа лоша навика:
1. Јавете се на пријател/ка
Наместо да посегнете по храна, посегнете по телефонот и повикајте пријател/ка кој/а не се го/ја слушнале подолго време.
2. Лакирајте ги ноктите
Одличен трик за држење на прстите подалеку од чипсот.
3. Чистете
Плакарот, паричникот, чантата, кујната…не е важно што, главно рацете да ви се зафатени. Наместо да се дебелеете, бидете 
продуктивни.
4. Прошетка
Десетминутна прошетка по соседството е доволна да ви ги одврати мислите од грицкање од досада.
5. Напијте се вода
Пред јадењето и во текот на јадењето напијте се неколку голтки вода. Ако по ручекот сакате нешто да изедете, повторно напијте се вода.
6. Ставете ја храната на чинија
Кога ќе ви дојде неконтролирано да јадете се што ќе најдете во фрижидерот, подгответе чинија со храна богата со јаглехидрати, протеини и масти. На тој начин ќе имате увид колку сте изеле.
7. Гума за џвакање
Желбата за грицкање по ручекот сигурно нема врска со гладта. Така, за да не се прејадете земете гума за џвакање. На вашата уста само и треба нешто што ќе и го одвлече вниманието од храна.
