Од љубопитност или од други причини речиси секој пробал да го напише своето име на Гугл за да види што ќе излезе во резултатите од пребарувањето. Најчесто во таквите обиди не очекуваме да се појави нашиот профил на главната страна на резултатите кои ги дава Гугл, но сега тоа е возможно со Google Profiles.
Од љубопитност или од други причини речиси секој пробал да го напише
своето име на Гугл за да види што ќе излезе во резултатите од
пребарувањето. Најчесто во таквите обиди не очекуваме да се појави
нашиот профил на главната страна на резултатите кои ги дава Гугл, но
сега тоа е возможно со Google Profiles.
Доколку користите Gmail, Google Reader, Google Docs, Google Analytics итн., Google Profile е уште една корисна алатка која можете да ја користите бесплатно. Се што треба да направите е да се логирате на вашата Гугл сметка за да започнете да го користите својот профил.
Откако ќе ја активирате, вашата профил-страница ќе има чист изглед, со основни информации за вас, резиме и се друго што сакате да го споделите (или не), или едноставно може таму да го има само вашето име кое ќе биде линкувано со вашата имејл адреса или други информации за контакт што се држат во приватност. Додавањето линкови од другите профили кои ги имате е едноставно преку иконите за Flickr, Facebook, Twitter, Myspace, Blogspot, па така вашиот профил на Гугл може буквално да ви служи како портал до сите други онлајн профили кои на ваков начин е лесно да се пронајдат. Можете исто така да изберете и свое URL.
Се зборува дека ова ќе стане конкуренција на Facebook поради шпекулациите дека Гугл се спрема да го купи Twitter кој ќе го интегрира со овој Google Profile сервис. Дали Google Profile ќе го замени мега популарниот Фејсбук, останува да видиме. [Search for "me" on Google]
