Зимските месеци се едни од најголемите непријатели на вашата кожа. Ниските надворешни температури во комбинација со сувиот воздух во затворените простории се главниот виновник за безживотниот и уморен изглед на кожата, нејзината сивкаста нијанса и појавата на лупење, чешање, како и акни и предвремени брчки.
Дознајте без кои нешта вашата кожа не може да изгледа здраво!
Масни киселини
Овие киселини помагаат во борбата со стареењето на кожата. Најважни за организмот се омега-3 и омега-6 киселините.
Извори: Повеќе видови на риба, ленено семе и масло.
Витамин А и Бета- каротин
Витаминот А е неопходен за кожата, косата и ноктите. Бета –каротинот кој во организмот се претвора во витамин А ја заштитува кожата од разорното дејство на сонцето и има регенативно дејство .
Извори: Растително масло, јајца, овошје со темно-зелена и портокалова боја, диња…
Витамин Ц
Овој витамин го овозможува образувањето на колаген кој е неопходен за еластичноста на кожата и го забрзува процесот на заздравување на раните. Недостатокот на витаминот Ц предизвикува појава на пигметни, односно дамки на кожата.
Извори : Лимон, портокал, грејпфрут, брокули, пиперки, магданос
Витамин Е
Овој витамин е силен антиоксидант кој го спречува разградувањето на колагенот и со тоа појавата на брчки на кожата.
Извори: Грав, немасно месо, маслинки, маслиново масло, зелка
Цинк
Учествува во образувањето на колаген и еластин кои го забрзуваат заздравувањето на раните.
Извори: Лосос, сончоглед, бадеми, пилешко месо
Антоцијанини
Го забавува стареењето на крвните садови што овозможува кожата навремено да ги добива сите потребни хранливи материи.
Извори: Црвено вино, грозје, вишни, виолетова зелка
