Јасно ви е дека белиот леб е лош за вашата линија и здравје, па автоматски нарачувате сендвич со интегрален леб. Но, не е само тој винивник за вишокот килограми. Прочитајте кои намирници им се закануваат на вашите линија и здравје и тоа повеќе од белиот леб.
Овошен јогурт
Јогуртот и овошјето се здрави. Во што е тогаш проблемот во овшните јогурти? Повеќето од нив содржат голема количина шеќер или вештачки засладувачи како и бои, адитиви кои го кријат фактот дека во нив има малку или воопшто нема овошје.
Кафе
Модерните варијанти на кафе кои повеќе личат на десерти не само што може да имаат и повеќе од 400 калории туку содржат рафинирани шеќери и млечни масти кои сузбиваат секаква корист од кофеинот. Затоа најубаво испијте обично турско кафе.
Овошни сокови
Многу мајки на децата за екскурзија им купуваат мали овошни сокови и овошни бонбони. И двата производи се полни со рафиниран шеќер. Зошто попрво не купите овошје или зошто не им исцедите сок?
Крекери
Во нив нема речиси ништо корисно за организмот. Полни се со адитиви, вештачки бои, шеќери и вештачко брашно. И претерано се солени.
Пуканки од кино или пакувани за микробранова
Пуканките всушност се здрави, но само ако ги подготвите на маслиново масло на тивок оган. Во кината ги премачкуваат со кој знае какви масти, ги пресолуваат, а се додаваат и слатки преливи. Што се однесува до пакуваните пуканки за микробранова, потрошувачите со години се предупредуваат дека во текот на подготовката се издвојуваат штетни состојки од пакувањето што се поврзуваат со појава на ракот.
