Баш како и облеката и фризурата може визуелно да додаде или да намали години. Сакате да го одржите младешкиот изглед? Пронајдете ја фризурата која ќе ги освежи и нагласи вашите адути. Ви прикажуваме 4 примери за тоа како фризурата може позитивно да влијае на вашите години.
Плетенка
Наместо класичната плетенка или „рибјите коски“ кои ги носевме како девојчиња испробајте ја лежерната варијанта на страна која е вистински хит. Плетенката од овој вид ќе и даде волумен на косата и ќе допринесе до младешки изглед.
Шишки
Шишките се секогаш во тренд и се идеален начин за сокривање на борите на челото, но треба да ги избегнувате оние ретките и степенесто шишани бидејќи тие дури и може да ви додадат некоја година плус на изгледот. Сепак, шишките потргнати на страна се одлично решение кое секогаш дава романтичен изглед на вашето лице, и дефинитивно допринесува до свежина и младешки шмек.
Рамна коса
Иако рамната коса некогаш знае да изгледа безживотно и безлично, доколку си поиграте со неа и ја претворите во кадрици, таа ќе добие волумен и ќе изгледа витално и модерно. Одличен начин за да добиете елегантен и воедно младешки изглед.
Пунџа
Иако пунџата се вбројува во елегантни фризури кои одлично прилегаат со вечерна тоалета, сепак, таа го нагласува профилот и кога е по малку бушава и распуштена знае да изгледа и мошне младешки. Тоа го знае и Ким Кардашијан која не ретко ја имаме забележано како ја носи оваа фризура.
