Дрвото-октопод што раѓа и до 32.000 домати

Личат на нешто создадено во лабораторија, но овие „октопод доматни дрва“ се обични хибриди што растат од една доматна лоза. Крошните им растат до површина од 40-50 метри квадратни, а раѓаат илјадници плодови секоја сезона.

На интернет нема да најдете многу инфо од типот на тоа како се одгледуваат или каде можат да се најдат. Како и да е, овие октопод-домати ги има како туристичка атракција во Walt Disney World Resort, а ќе најдете и купче луѓе што ги продаваат на сајтови како eBay и Aliexpress.

Според тоа малку што може да се најде, се чини дека овие домати потекнуваат од Кина; одредени градинарски блогови тврдат дека Јонг Хванг – менаџер по агрикултурна наука во  Epcot во Walt Disney World Resort, ги нашол во Пекинг, и помислил дека ќе бидат супер за изложба во забавниот комплекс на Дизни во Флорида.

Наводно, на овој вид доматни дрва им требаат 1.2 до 1.5 години за да созреат. Во првите 7-8 месеци не раѓаат плод, но штом достигнат зрелост, човек може да очекува во просек и повеќе од 14.000 домати. Гинисовиот рекорд за најголема берба од едно стебло е поставен токму од едно од двете октопод-дрва што се изложени во Epcot – 32.000 домати со тотална тежина од 522 килограми.