По нарачка на „Интурист“ – организацијата задолжена за странски туризам основана во 1929 година, беа создадени мноштво уметнички разгледници со слики од Москва и Ленинград, како и од приморските одморалишта од земјите на Советскиот Сојуз. Задачата беше да се привлечат странски туристи од различни земји.
За таа цел, во почетокот на 30-тите години, канцеларии на “Интурист” се појавуваат во Англија, Германија, па дури и САД, и тоа на Петтата авенија во Њујорк.
Во 1934 година, СССР е посетен од 50.000 странци – 3 пати повеќе отколку во почетокот на рекламната кампања.
Само во првите 10 години работа на “Интурист”, СССР привлече над 1 милион странци.
Постерите во арт-деко стил го ветуваа „рајот на Земјата“ – не само на морскиот брег, така и по планинските падини.
На некои од сликите имаа работено и познати советски илустратори од тоа време: Сергеј Сахаров, Марија Нестерова, Николај Жуков.
Најмногу во постерите се сретнуваат пејзажи од Крим и Одеса, реклами за патувања по Волга, а исто така и патувања во Ерменија.
Денес, стартната цена на плакатите се движи од 800 до 3.000 долари, а секоја колекција на аукциите се проценува на 25.000 долари.
Патем, Интурист настојуваше да нуди фиксни маршрути по советските републики, со цел да биде спроведена соодветна контрола врз групите од странски туристи.
Во 20-тите и 30-тите години на 20-от век, повеќето европски туристички постери ги издаваа железничките компании и компаниите што нудеа луксузни крстарења. СССР ги користеше и како форма на надворешна пропаганда, која имаше за цел да го подобри имиџот на земјата, од една, и да привлече свежи инвестиции во земјата по завршувањето на Првата светска војна. Според познавачите, Советскиот Сојуз одлично се справил со тоа.
