Кога се работи за вециња, луѓето претпоставуваат дека формата постои единствено заради функцијата. Од друга страна, новата декадентна книга на Lonely Planet, наречена „Toilets: a Spotter’s Guide“, го извишува тоалетот до степен на уметнички објект.
Порцеланските, металните и камените субјекти на Toilets варираат од такви кои често ги користат, до речиси бескорисни. Повеќето се функционални, а некои се декоративни. Сите се третирани со почит, за разилка од генералната осуда што општеството ја има кон тоалетите. Има импровизирани полски тоалети и кралски тронови, има и такви дизајнирани од водечки архитекти со цена од стотици илјади долари. Секој од нив има своја привлечност, барем така тврди книгата – некои со својата скромност, некои со својот прекрасен поглед, а некои со својата историја.
Книгата им се смее на табуата и го „открива шармот“ на најзапоставената сфера од дизајнот на ентериер. Да, Toilets е книга за вецињата, ама е книга и за луѓето што нив ги користат.
