Со 7.2 милиона луѓе, Хонгконг е четвртото најгусто населено место во светот, со 6.571 жители на еден квадратен километар.
Вака добиваме некаква претстава, но сепак се само бројки. За да биде посликовито, германскиот фотограф Мајкл Волф, во својата фото-сесија „Architecture of Density“, ги прикажува огромните блокови од висококатници во урбаните области на градот, лишени од секаков спореден контекст, било да е небото, земјата или самите луѓе. Бујрум во бескрајниот комшилук на Хонгконг.
