Мис Камила 2015

Батали Мис Универзум; Во моментов, некаде зад песочните дини на Обединетите Арапски Емирати се одржува Ал Дафра – фестивал кој е најпознат по својот избор за убавина, ама за камили. Бедуини од Оман, Саудиска Арабија, Кувајт и ОАЕ ќе парадираат со своите најпрефинети камили, а ќе има аукции, трки, натпревари во разни дисциплини (за камилите), а и награди за најбрзите, „најмлечните“, најубавите. Помалку среќните камили (ако се воопшто среќни) ќе завршат како вечера на вечерната седенка позната како „маџлис“ .

Фестивалот трае до 30 декември, а се одржува со цел да се прослави традиционалното наследство и начинот на живот кој се негува во Руб ал Кали (најголемата песочна пустина во светот, позната и како „песочно море“, која зафаќа најголем дел од најјужната третина на Арапскиот Полуостров. Можеби делува како целосна спротивност од она што се случува во Дубаи и Абу Даби, но и овде има добра пара – наградниот фонд изнесува околу 14.9 милиони долари.

Мис Камила има уште една битна карактеристика што го прави различен од останатите избори на убавина – во игра се исклучиво природни камили. „Камилите кај кои ќе се најдат лекови на устата, камилите кои се шишани или бричени, обоени на било кој дел од телото или било какви промени од нивната природна форма, не се дозволени“, пишува во правилникот за учество.

Еве дел од атмосферата: