Во богатиот „амбасадор“ на торти се наоѓаат и омилените желе бомбомни, но и ароматичните карамелизирани лешници кои даваат декоративен изглед.
Состојки:
10 јајца
14 лажици шеќер
малку сол
5 лажици какао во прав
10 лажици брашно
кесичка прашок за пециво
Фил:
7 дл. млеко
7 лажици шеќер
8 лажици брашно
250 г. маргарин или путер
150 г. шеќер во прав
250 г. исецкани желе бомбони
Глазура:
250 г. чоколадо
2,5 дл слатка павлака
Подготовка:
Изматете ги белките во цврст снег. Додадете шеќер, жолчки, сол и какао. Во оваа пенеста смеса додадете брашно помешано со прашок за пециво. Во голема тепсија ставете ја смесата и печете на 180 степени околу 20-30 минути. Повремено со чечкалица проверете дали тестото е печено – кога не се лепи за чечкалицата, односно кога ќе остане сува, кората е готова. Оставете кората да се олади и ладна пресечете ја за да добиете две.
Сега подгответе го филот така што ќе ставите млеко да се вари. Одвоите и една шолја млеко, во неа ставете брашно, измешајте да биде еднолично и додадете млеко кое се вари. Внимателно мешајте да не се создадат грутчиња. Во веќе густата смеса додадете шеќер и кога сето тоа добро ќе се зготви, оставете да се олади филот.
Соединете го добро изматениот путер со шеќер во прав, па и тоа додадете го во студениот фил и сето тоа добро соединете го. Во филот на крајот ставете и желе бомбони и измешајте. Филувајте ја тортата, а на последната кора покрај филот ставете и глазура од топено чоколадо и слатка павлака. Украсете ја тортата со лешници и ореви по желба.
