Веста за која последните денови не престанува да се зборува е раскинот на врската на фудбалерот Кристијано Роналдо и убавата руски модел Ирина Шајк.
Една од гласините за можна причина за нивниот прекин беше дека Ирина одбила да присуствува на роденденската забава на мајката на Роналдо. Но, тоа Ирина лично го демантираше.
Ирина сега се поврзува со актерот и поранешниот борач Двејн Џонсон, со кој минатата година го сними филмот „Херкулес“. Наводно токму тој ѝ ги испратил големиот букет црвени рози за 29-тиот роденден, а не Роналдо како што се мислеше.
Славната манекенка и официјално потврди преку својот потпарол за нивната разделба, но не спомнала никој нов. Додека таа и Двејн заедно го промовирале филмот, медиумите веќе од мината година пишуваа дека на Роналдо не му се допаѓа што тие двајца се дружат толку многу. Наводно тие биле во врска пред официјалната разделба.
