Видео рецепт: Перфектно потпечена паста

Фичо ќе подготви превкусни тестенини со фил од брокула и кромид и специфичен бешамел сос.

Подготовка:

Чекор 1: Во големо тенџере ставете многу вода и ставете ја на оган. Додадете сол и оставете да зоврие и додадете ги тестенините. Варете ги ал денте, да не бидат преварени. Преварени тестенини не можат да го примат сосот, ја губат пструктурата и се раскашавуваат. Додадете маслиново масло и промешајте. Маслото се додава за да не се залепат едни за други. Тестенините ставете ги во Ростер тавата.

Чекор 2: Брокулите ставете ги во тавата за пржење, додадете го ситно исецканиот лук и оставете да продинстаат. Кога ќе бидат готови ставете ги над тестенините.

Чекор 3: Во сад ставете го путерот да се растопи. Додадете го брашното и пилешкиот бујон. Кога смесата ќе згусне, додадете го пармезанот и сецканиот магдонос. Прелејте го бешамелот над зеленчукот во тавата.

Чекор 4: Печете во загреана рерна на 200 степени со вентилатор додека да зарумени.

Чекор 5: Сервирајте!

СОВЕТ: Користете квалитетни тестенини. Животот е прекраток за да јадете евтина паста! 🙂