Фичо ќе направи еден од најпопуларните рецепти на Катерина Наскова, домашна верзија на Орео колачиња.
Подготовка
Чекор 1: Во сад за матење исецкајте го путерот на коцки. Додадете го шеќерот во прав, ванила арома, малку сол и жолчка од едно јајце. Со миксер изматете ги сите состојки.
Чекор 2: Во друг сад измешајте ги брашното и какаото и со сеалка додадете ги во миксерот. Домесете ја смесата со раце. Тестото кое ќе го добиете не треба да се лепи за дланките. Завиткајте го во фолија и оставете го во фрижидер околу 30 минути.
Чекор 3: Од тестото развлечете тенка кора од која ќе вадите колачиња. Користете округла форма или чашка за ракија.
Чекор 4: Редете ги колачињата во Ростер тавата. Печете на 200 степени околу 10 минути. Испечените колачиња оставете ги на страна да се изладат.
Чекор 5: За филот во сад за матење ставете го путерот, малку ванила арома и шеќер во прав. Изматете убаво да се соединат и да се добие еднолична смеса. Филувајте ги колачите.
Чекор 6: Оставете да се стегне филот и сервирајте!
СОВЕТ: Во филот може да додадете стопено чоколадо, бело или црно, по желба.
