Дека има големо срце и сочуство, Кејт Мидлтон го покажа тоа во неодамнешната посета кога дознала за тажната вест.
Војвотката од Кембриџ Кејт Мидлтон се врати на своите кралски обврски и посетила една детска болница во Норфолк. Таму се сретнала со мајката Леиг Смит која штотуку ја изгубила својата ќерка Беатрис, која имала само 16 недели кога починала.
Кејт инстинктивно ја прегрнала мајката откако ја дознала тажната вест, а не е ни чудно што токму војвотката е една од омилените лица на Велика Британија- каде и да се појави носи доза на гламур, насмевка на лицето, а и голема потреба за утеха и разбирање.
Приказната за мајката која го изгубила детето се прошири низ Англија и пошироко, а војвотката дури ѝ пратила лично писмо за утеха и охрабрување. „Ти си толку храбра дама, и мене ми е многу многу жал“, порачала Кејт Мидлтон, пишува Daily Mail.
Кејт моментално е и бремена, а на пролет се очекува да го роди нивното второ дете, а таа и принцот Вилијам, како и целото кралско семејство, со нетрпение го очекуваат проширувањето на семејството.
