Во најновото издание на шпанскиот магазин „Интервју“ на насловната страна се наоѓа фотографија на полуголата поранешна социјалистка Олвидо Ормигос (42).
Поранешната политичарка на фотографијата позира на колена, а на себе има само проѕирни розови гаќички и високи потпетици.
Во интервјуто рекла дека се фотографирала во оваа поза за да покаже дека може „да прави што сака со своето тело“.
До оваа одлука дошла по дебатата што се водела во јавноста во Шпанија есента 2012 година поради објавување на секси видео снимка што таа му го испратила на фудбалерот со кој тогаш била во врска. Во февруари оваа година одлучила да се тргне од политичката сцена поради огромниот притисок и критиките на нејзина сметка по објавување на видеото.
Ормигос вели дека се надева дека личноста која е виновна за објавувањето ќе плати за тоа.
