Страста понекогаш лесно може да се претвори во опсесија. Пример за ова е 33-годишниот Џастин Џедлик, кој првата пластична операција ја направил на 18 години, а низ нареднiте неколку следеле уште неверојатни 127 хируршки зафати.
„Ова е навистина важно за мене, отсекогаш сум бил скромен. Не ги сакав истите работи кои ги сакаа моите пријатели. Тие сакаа скапи автомобили, најнови технолошки достигнувања и брендирана облека. Наместо тоа, јас сакав само пластични операции“, изјавил Џастин.
Желбата да го промени својот изглед за прв пат ја пројавил на 17 години, но, морал да почека цела година затоа што како малолетник, ја немал дозволата од неговите родители која била задолжителна.
„Таа операција и сите оние кои следеа после неа, корекцијата на усни, очите, мускулите на рацете, ми помогнаа да ја пребродам адолесценцијата“, додал тој.
Според него, жените со истата пасија се далеку поприфатени во општеството отколку мажите со слични склоности.
