Гвинет Палтроу и Крис Мартин го сретнале корејскиот рапер Псај на гала вечерта во музејот Метрополитен и го замолиле да се слика со нив. Тој прифатил, иако според зборовите на актерката, „немал идеја кои се тие“.
„Нашите деца го обожаваат, па му пријдовме да се фотографираме. Псај љубезно прифати, иако беше очигледно дека не сме му воопшто познати“, напиша актерката на „Твитер“.
Подоцна, истите фотографии ги објави и Псај на неговиот профил. Веројатно некој во меѓувреме му објаснил дека разговарал со позната оскаровка и музичар чиј последен албум е продаден во осум милиони примероци.
