39-годишен затвореник од Битола, од казнено-поправниот затвор „Идризово“ починал откако му се слошило во затворската ќелија.
Настанот е евидентиран во дневниот билтен на МВР:
Ноќеска два часа по полноќ било пријавено дека Д.Б. (39) од Битола додека бил во својата ќелија во Казнено поправната установа „Идризово“, му се слошило и со возило на итна медицинска помош бил пренесен во Клиничкиот центар “Мајка Тереза“.
Но, набргу откако бил примен на клиниката за токсикологија истиот починал. Д.Б. во Казнено поправната установа „Идризово“ бил од 03.09.2014 година, а осуден бил на три години и седум месеци. По наредба на Јавен обвинител телото на починатиот било дадено на обдукција.
