Филмот е тој кој ја одреди целата генерација и модерната приказна за Пепелашка која и понатаму подигнува контроверзии- особено кога се работи за проститутка и богат бизнисмен.
Поминаа 25 години (верувале или не) откога Ричард Гир ја спаси Џулија Робертс во филмот „Убава жена“ (Pretty Woman), а сега целата актерска екипа повторно се најде на исто место. Приказната на Гери Маршал за богатиот бизнисмен кој се заљубува во убава проститутка и денес со задоволство е гледана, а улогата ја прослави Џулија Робертс на почетокот на кариерата.
Актерската екипа се појави во заедничко интервју за NBC, а сподели и некои до сега непознати детали од снимањето.
Екипата на филмот: Хектор Елизондо, Лора Сан Џакомо, Гери Маршал, Мет Лауер, Џулија Робертс и Ричард Гир.
Кој не се сеќава на заедничкото бањање, купувањето по улиците на Беверли Хилс, одењето во опера или големото финале кога Гир со пожарникарна кола доаѓа по жената која ја сака! Не треба ни да спомнуваме колку голем хит беше насловната песна.
