Според истражувањето на „Скајскенер“ униформите на стјуардите и стјуардесите на руската авиокомпанија „Аерофлот“ се прогласени за најелегантни во Европа.
Стјуардесите носат портокалов костим во комбинација со бели ракавици во летниот период и темносин костим во зимскиот период. Една униформа чини 1 500 долари.
Погледнете кои се останатите европски авиокомпании кои имаат стилски стјуарди и стјуардеси!
BRITISH AIRWAYS
Униформите на персоналот на британската компанија се дизајнирани од страна на познатиот дизајнер Џулиан Мекдоналд и се класичен модел составен од темно – сино здолниште или панталони, бела кошула и црвена марама.
LUFTHANSA
Костимите на оваа авиокомпанија се менуваат на секои 10 години. Последната промена била 2003 година и оттогаш жолтата боја е карактеристична за нивните модели. .
AIR FRANCE
Целосното ребрендирање на француската авиокомпанија во 2005 година подразбирало и комплетна промена на костимите на стјуардите и стјуардесите.
За облеката на вработените биле инвестирани 20 милиони долари, а истата е дизајнирана од познатиот Кристијан Лакроа.
FINNAIR
Стјуардесите на финската авиокомпанија во нови костими се појавија во 2011 година. Костимите се во традиционалните бои на Финска – сината и белата.
FLYBE
Оваа британска авиокомпанија за костимите на своите вработени се одлучила за црвената боја. Моделите, во свое време, се рекламирани од Кели Брук.
TURKISH AIRLINES
Сино – белите костими на стјуардесите на турската авиокомпанија се разубавени со марами со традиционални шари.
ALITALIA
Соработниците на оваа италијанска авиокомпанја се во зелени униформи кои уште во 60 – тите се дизајнирани од познатата дизајнерка Делиа Баџоти. Оттогаш истите модели неколку пати се менувале во сини, а денес стјуардесите се облечени во сини здолништа и зелени палта.
EASYJET
Едни од најпрепознатливите униформи имаат стјуардесите на оваа авиокомпанија. Патниците сметаат дека станува збор за ведра боја на костимите, но од друга страна стјуардесите поради впечатливата портокалова боја наликуваат на спасители.
RYANAIR
Едноставните темно – сини костуми со строг крој се карактеристични за стјуардесите на оваа компанија, но за рекламните постери и календари на компанијата тие се појавуваат само во долна облека.
