Еднаш во годината музичката елита се собира на едно место, каде се одлучува кој од минатата година бил најдобар.
Billboard Music Awards ни оваа година не разочара. Лас Вегас беше домаќин на најдобрите изведувачи кои им беа доделени престижните награди.
Лудакрис како водител и домаќин на вечерта додели бројни награди, почнувајќи со Џенифер Лопез која ја примила наградата за животно дело. Всушност, Џенифер е првата жена во историјата која ја освоила оваа награда.
„Музиката е мојата прва љубов. Им благодарам на сите мои пријатели, семејството и обожавателите кои ми помогнаа да се создатат моите десет албуми. Напорно работете, сонувајте големи работи и верувајте во себе и во своите луѓе“, рекла Џенифер.
Ѕвезда на доделувањето на Billboard Music Awards во Лас Вегас беше 33-годишниот музичар Џастин Тимберлејк, кој собра седум награди, а музичката група Imagine Dragons добила пет Billboard награди.
„Јас сум шокиран и изненаден. Навистина сум изненаден“, рекол Тимберлејк по сите добиени награди со својот кам-бек албум „Justin Timberlake – The 20/20 Experience“.
Во категоријата најдобар Billboard изведувач од Топ 200 победиле и Бијонсе, Еминем и One Direction.
Најдобра млада изведувачка е Лорди.
На овогодинешното доделување на Billboard наградите настапија и Кејти Пери, Шакира, Мајли Сајрус, Џејсон Деруло, Робин Тике, Рики Мартин и многу други.
