Можете ли да поверувате: Згодниот Супермен бил „дебелиот Кавил“

Можете ли да верувате дека актуелниот Супермен, актерот Хенри Кавил, го носел надимакот „дебелиот Кавил“.

На фотографијата од алманахот Хенри Кавил е буцкаст тинејџер и ретко кој можел да си замисли дека ќе стане еден од најпознатите актери што ќе глуми уште попознат херој – ни помалку ни повеќе туку Супермен.

Иако нема ништо чудно во тоа децата во тинејџерските денови да бидат побуцкасти, а потоа како што растат да слабеат, малиот Кавил бил лесна мета на исмејување што и самиот го потврдил во едно интервју.

„Бев дебел. Бев дебелиот Кавил“, изјавил 30 годишниот актер. „Ѝ се јавував на мајка ми по телефон четири пати на ден и плачев. Бев лесна мета“.

Но, кога наполнил 17 години ослабел за филмот „Грофот од Монте Кристо“. Од тогаш од година во година изгледа сѐ поубаво и станува сѐ позгоден.